Framleiðsluvörur Kornax...

Kornax notar einungis hágæðakorn í framleiðslu sína því baksturseiginleikar hveitis ráðast af gæðum kornsins.

Kornax framleiðir 4 gerðir af hveiti með mismunandi baksturseiginleika og byggir flokkunin á próteininnihaldi í hveiti. Sem dæmi hentar hveiti með hátt próteininnihald vel í pizzur og brauð en hveiti með lægra próteininnihald betur í kökur og kex. Kornax framleiðir einnig rúgmjöl, hveitikurl og hveitiklíð og þrjár gerðir af heilhveiti, þ.e. fínt, gróft og amerískt heilhveiti. 

Brauð- og pizzahveiti er unnið úr próteinríku úrvals korni sem kemur frá Ameríku. Hveiti með lægra próteininnihald er blanda af  völdu korni frá Danmörku, Þýskalandi og Ameríku.

Við seljum 2 tegundir hveitis í 2 kg. neytendapakkningum.  K-I sem er brauðhveiti og í bláum pakkningum og K-II sem er notað í kökur og brauð og er í rauðum pakkningum.  Einnig seljum við heilhveiti og rúgmjöl í 2 kg. pakkningum.